श्री हनुमान चालीसा || Shri Hanumaan Chalisa || जय हनुमान ज्ञान गुण सागर || Jay Hanuman Gyan Gun Sagar, Lyrics in Hindi and English
श्रीहनुमते नमः
**
श्रीगुरु चरन सरोज रज
निज मनु मुकुरु सुधारि।
बरनउँ रघुबर बिमल जसु
जो दायकु फल चारि।
**
बुद्धिहीन तनु जानिके
सुमिरौं पवन-कुमार।
बल बुधि बिद्या देहु मोहिं
हरहुं कलेस बिकार॥
**
जय हनुमान ज्ञान गुन सागर।
जय कपीस तिहुं लोक उजागर॥
**
राम दूत अतुलित बल धामा।
अंजनि-पुत्र पवनसुत नामा॥
**
महाबीर बिक्रम बजरंगी।
कुमति निवार सुमति के संगी॥
**
कंचन बरन बिराज सुबेसा।
कानन कुंडल कुंचित केसा॥
**
हाथ बज्र और ध्वजा बिराजै।
कांधे मूंज जनेउ साजै॥
**
संकर सुवन केसरीनंदन।
तेज प्रताप महा जग बंदन॥
**
बिद्यावान गुनी अति चातुर।
राम काज करिबे को आतुर॥
**
प्रभु चरित्र सुनिबे को रसिया।
राम लषन सीता मन बसिया॥
**
सूक्ष्म रूप धरि सियहिं दिखावा।
बिकट रूप धरि लंक जरावा॥
**
भीम रूप धरि असुर संहारे।
रामचन्द्र के काज संवारे॥
**
लाय सजीवन लखन जियाये।
श्रीरघुबीर हरषि उर लाये॥
**
रघुपति कीन्हीं बहुत बड़ाई।
तुम मम प्रिय भरतहिं सम भाई॥
**
सहस बदन तुम्हरो जस गावैं।
अस कहि श्रीपति कंठ लगावैं॥
**
सनकादिक ब्रह्मादि मुनीसा।
नारद सारद सहित अहीसा॥
**
जम कुबेर दिगपाल जहां ते।
कबि कोबिद कहि सके कहां ते॥
**
तुम उपकार सुग्रीवहिं कीन्हा।
राम मिलाय राजपद दीन्हा॥
**
तुम्हरो मंत्र बिभीषन माना।
लंकेस्वर भए सब जग जाना॥
**
जुग सहस्र जोजन पर भानू।
लील्यो ताहि मधुर फल जानू॥
**
प्रभु मुद्रिका मेलि मुख माहीं।
जलधि लांघि गये अचरज नाहीं।
**
दुर्गम काज जगत के जेते।
सुगम अनुग्रह तुम्हरे तेते॥
**
राम दुआरे तुम रखवारे।
होत न आज्ञा बिनु पैसारे॥
**
सब सुख लहै तुम्हारी सरना।
तुम रच्छक काहू को डर ना॥
**
आपन तेज सम्हारो आपै।
तीनों लोक हांक तें कांपै॥
**
भूत पिसाच निकट नहिं आवैं।
महाबीर जब नाम सुनावै॥
**
नासै रोग हरै सब पीरा।
जपत निरंतर हनुमत बीरा॥
**
संकट तें हनुमान छुड़ावै।
मन क्रम बचन ध्यान जो लावै॥
**
सब पर राम तपस्वी राजा।
तिन के काज सकल तुम साजा॥
**
और मनोरथ जो कोइ लावै।
सोई अमित जीवन फल पावै॥
**
चारों जुग परताप तुम्हारा।
है परसिद्ध जगत उजियारा॥
**
साधु सन्त के तुम रखवारे।
असुर निकंदन राम दुलारे॥
**
अष्ट सिद्धि नौ निधि के दाता।
अस बर दीन जानकी माता॥
**
राम रसायन तुम्हरे पासा।
सदा रहो रघुपति के दासा॥
**
तुम्हरे भजन राम को पावै।
जनम जनम के दुख बिसरावै॥
**
अंत काल रघुबर पुर जाई।
जहां जन्म हरि-भक्त कहाई॥
**
और देवता चित्त न धरई।
हनुमत सेइ सर्ब सुख करई॥
**
संकट कटै मिटै सब पीरा।
जो सुमिरै हनुमत बलबीरा॥
**
जै जै जै हनुमान गोसाईं।
कृपा करहु गुरुदेव की नाईं॥
**
जो सत बार पाठ कर कोई।
छूटहिं बंदि महा सुख होई॥
**
जो यह पढ़ै हनुमान चालीसा।
होय सिद्धि साखी गौरीसा॥
**
तुलसीदास सदा हरि चेरा।
कीजै नाथ हृदय महं डेरा॥
**
पवनतनय संकट हरन
मंगल मूरति रूप।
राम लषन सीता सहित
हृदय बसहु सुर भूप॥
*****
श्री हनुमान चालीसा || Shri Hanumaan Chalisa || जय हनुमान ज्ञान गुण सागर || Jay Hanuman Gyan Gun Sagar
**
Shrīguru charan saroj raj
Nij manu mukuru sudhāri
Baranau raghubar bimal jasu
Jo dāyaku fal chāri
**
Buddhihīn tanu jānike
Sumirauan pavana-kumāra
Bal budhi bidyā dehu mohian
Harahuan kales bikāra
**
Jaya hanumān jnyān gun sāgara
Jaya kapīs tihuan lok ujāgara
**
Rām dūt atulit bal dhāmā
Aanjani-putra pavanasut nāmā
**
Mahābīr bikram bajarangī
Kumati nivār sumati ke sangī
**
Kanchan baran birāj subesā
Kānan kuanḍal kuanchit kesā
**
Hāth bajra aur dhvajā birājai
Kāandhe mūanja janeu sājai
**
Sankar suvan kesarīnandana
Tej pratāp mahā jag bandana
**
Bidyāvān gunī ati chātura
Rām kāj karibe ko ātura
**
Prabhu charitra sunibe ko rasiyā
Rām laṣhan sītā man basiyā
**
Sūkṣhma rūp dhari siyahian dikhāvā
Bikaṭ rūp dhari lanka jarāvā
**
Bhīm rūp dhari asur sanhāre
Rāmachandra ke kāj sanvāre
**
Lāya sajīvan lakhan jiyāye
Shrīraghubīr haraṣhi ur lāye
**
Raghupati kīnhīan bahut baḍaāī
Tum mam priya bharatahian sam bhāī
**
Sahas badan tumharo jas gāvaian
As kahi shrīpati kanṭha lagāvaian
**
Sanakādik brahmādi munīsā
Nārad sārad sahit ahīsā
**
Jam kuber digapāl jahāan te
Kabi kobid kahi sake kahāan te
**
Tum upakār sugrīvahian kīnhā
Rām milāya rājapad dīnhā
**
Tumharo mantra bibhīṣhan mānā
Lankesvar bhae sab jag jānā
**
Jug sahasra jojan par bhānū
Līlyo tāhi madhur fal jānū
**
Prabhu mudrikā meli mukh māhīan
Jaladhi lāanghi gaye acharaj nāhīan
**
Durgam kāj jagat ke jete
Sugam anugrah tumhare tete
**
Rām duāre tum rakhavāre
Hot n ājnyā binu paisāre
**
Sab sukh lahai tumhārī saranā
Tum rachchhak kāhū ko ḍar nā
**
Āpan tej samhāro āpai
Tīnoan lok hāanka tean kāanpai
**
Bhūt pisāch nikaṭ nahian āvaian
Mahābīr jab nām sunāvai
**
Nāsai rog harai sab pīrā
Japat nirantar hanumat bīrā
**
Sankaṭ tean hanumān chhuḍaāvai
Man kram bachan dhyān jo lāvai
**
Sab par rām tapasvī rājā
Tin ke kāj sakal tum sājā
**
Aur manorath jo koi lāvai
Soī amit jīvan fal pāvai
**
Chāroan jug paratāp tumhārā
Hai parasiddha jagat ujiyārā
**
Sādhu santa ke tum rakhavāre
Asur nikandan rām dulāre
**
Aṣhṭa siddhi nau nidhi ke dātā
As bar dīn jānakī mātā
**
Rām rasāyan tumhare pāsā
Sadā raho raghupati ke dāsā
**
Tumhare bhajan rām ko pāvai
Janam janam ke dukh bisarāvai
**
Aanta kāl raghubar pur jāī
Jahāan janma hari-bhakta kahāī
**
Aur devatā chitta n dharaī
Hanumat sei sarba sukh karaī
**
Sankaṭ kaṭai miṭai sab pīrā
Jo sumirai hanumat balabīrā
**
Jai jai jai hanumān gosāīan
Kṛupā karahu gurudev kī nāīan
**
Jo sat bār pāṭh kar koī
Chhūṭahian bandi mahā sukh hoī
**
Jo yah paḍhaai hanumān chālīsā
Hoya siddhi sākhī gaurīsā
**
Tulasīdās sadā hari cherā
Kījai nāth hṛudaya mahan ḍerā
**
Pavanatanaya sankaṭ haran
Mangal mūrati rūpa
Rām laṣhan sītā sahit
Hṛudaya basahu sur bhūp
*****