श्री दुर्गाष्टकम् || Shri Durga Astakam || कात्यायनि महामाये || Katyayani MahaMaye || Shri Durga Mata Stuti || Lyrics in Hindi and Samskrit
कात्यायनि महामाये खड्गबाणधनुर्धरे ।
खड्गधारिणि चण्डि दुर्गादेवि नमोऽस्तु ते ।।१।।
वसुदेवसुते कालि वासुदेवसहोदरी ।
वसुन्धराश्रिये नन्दे दुर्गादेवि नमोऽस्तु ते ।।२।।
योगनिद्रे महानिद्रे योगमाये महेश्वरी ।
योगसिद्धिकरी शुद्धे दुर्गादेवि नमोऽस्तु ते ।।३।।
शङ्खचक्रगदापाणे शार्ङ्गज्यायतबाहवे ।
पीताम्बरधरे धन्ये दुर्गादेवि नमोऽस्तु ते ।।४।।
ऋग्यजुस्सामाथर्वाणश्चतुस्सामन्तलोकिनी ।
ब्रह्मस्वरूपिणि ब्राह्मि दुर्गादेवि नमोऽस्तु ते ।।५।।
वृष्णीनां कुलसम्भूते विष्णुनाथसहोदरी ।
वृष्णिरूपधरे धन्ये दुर्गादेवि नमोऽस्तु ते ।।६।।
सर्वज्ञे सर्वगे शर्वे सर्वेशे सर्वसाक्षिणी ।
सर्वामृतजटाभारे दुर्गादेवि नमोऽस्तु ते ।।७।।
अष्टबाहु महासत्त्वे अष्टमी नवमी प्रिये ।
अट्टहासप्रिये भद्रे दुर्गादेवि नमोऽस्तु ते ।।८।।
दुर्गाष्टकमिदं पुण्यं भक्तितो यः पठेन्नरः ।
सर्वकाममवाप्नोति दुर्गालोकं स गच्छति ।।९।।
इति श्री दुर्गाष्टकम् ।
कोई टिप्पणी नहीं:
एक टिप्पणी भेजें
हमें खुशी होगी यदि आप हमारे टेलीग्राम और यूट्यूब चैनल से भी जुड़ेंगे। आभार